|
| 18 ივლისი 2010 |
|
|
დღეს 18 ივლისს, ცხინვალი-ვლადიკავკაზის მიმართულებით მიმავალმა სამგზავრო ავტობუსმა განიცადა ავტოავარია.
ტრაგიკული შემთხვევის შედეგად გარდაცვლილია 11 მგზავრი, მათ შორის, ორი მცირეწლოვანი ბავშვი, არიან დაშავებულები.
საქართველოს მთავრობა მწუხარებას გამოთქვამს მომხდარის გამო და სამძიმარს უცხადებს დაღუპულთა ოჯახის წევრებს.
საქართველოს მთავრობა მზადაა დახმარება აღმოუჩინოს დაშავებულებს. მობილიზებულია სამედიცინო დაწესებულებები და სტაციონარები, რომლებიც საჭიროების შემთხვევაში მზად არიან დაზარალებულთა მისაღებად.
|
|
| 14 ივნისი 2010 |
|
|
2010 წლის 14 ივნისს საქართველოს ვიცე პრემიერ მინისტრმა, საქართველოს სახელმწიფო მინისტრმა რეინტეგრაციის საკითხებში თემური იაკობაშვილმა შეხვედრა გამართა ევროპის საბჭოს საპარლამენტო ასამბლეის თავმჯდომარესთან მევლუთ ჩავუშოღლუსთან. მხარეებმა ისაუბრეს სახელმწიფო სტრატეგიაზე ოკუპირებული ტერიტორიების მიმართ. სახელმწიფო მინისტრმა ჩავუშოღლუს გააცნო სტრატეგიის სამოქმედო გეგმაზე მუშაობის პროცესი და ისაუბრა ეროპის საბჭოს საპარლამენტო ასამბლეის როლზე სამოქმედო გეგმის განხორციელებაში.
მევლუთ ჩავუშოღლუმ პოზიტიურად შეაფასა სამოქმედო გეგმის მიზნები და მზადყოფნა გამოთქვა საპარლამენტო ასამბლეის მიერ თავისი წვლილის შესატანად სამოქმედო გეგმის განხორციელების პროცესში.
|
|
|
| 06 მაისი 2010 |
შეხვედრა გაეროს წარმომადგენლებთან
2010 წლის 6 მაისს საქართველოს ვიცე პრემიერ მინისტრი, საქართველოს სახელმწიფო მინისტრი რეინტეგრაციის საკითხებში თემური იაკობაშვილი გაეროს განვითარების პროგრამის ევროპისა და დსთ-ს ქვეყნების რეგიონული ბიუროს დირექტორს კორი უდოვიჩკის შეხვდა. შეხვედრის თემა შეეხო აგვისტოს ომის შემდგომ რეაბილიტაციას და ოკუპირებულ ტერიტორიებზე არსებულ ვითარებას. მხარეებმა ასევე ისაუბრეს სახელმწიფო სტრატეგიის შესახებ ოკუპირებული ტერიტორიების მიმართ. ქართულმა მხარემ გაეროს წარმომადგენლებს გააცნო სტრატეგიის სამოქმედო გეგმაზე მუშაობის პროცესი.
გაეროს წარმომადგენლებმა მხარდაჭერა გამოთქვეს საქართველოს მიერ გადადგმული ნაბიჯების მიმართ და დადებითად შეაფასეს საქართველოს მთავრობის ძალისხმევა ოკუპირებულ ტერიტორიებზე მცხოვრები მოსახლეობის კეთილდღეობის გაუმჯობესებისათვის.
|
|
| 07 აპრილი 2010 |
შეხვედრა ნატოს საპარლამენტო ასამბლეის წევრებთან
7 აპრილს, ვიცე პრემიერ მინისტრი, საქართველოს სახელმწიფო მინისტრი რეინტეგრაციის საკითხებში თემური იაკობაშვილი შეხვდა ნატო-ს საპარლამენტო ასამბლეის უსაფრთხოების სამოქალაქო განზომილების კომიტეტის დემოკრატიული მმართველობის ქვეკომიტეტის წევრებს.
შეხვედრაზე ხაზი გაესვა საქართველოს სწრაფვას ნატოში ინტეგრაციისაკენ. განიხილეს საქართველოს ოკუპირებულ ტერიტორიებზე დღეს არსებული სიტუაცია და ოკუპაციის შედეგად გამოწვეული პრობლემები, ასევე ჩრდილოეთ კავკასიაში არსებული ვითარება.
საუბარი შეეხო სახელმწიფო სტრატეგიას ოკუპირებული ტერიტორიების მიმართ, სტრატეგიაში განხილულ ძირითად საკითხებს და სამოქმედო გეგმას. ასევე განიხილეს შემწყნარებლობისა და სამოქალაქო ინტეგრაციის ეროვნულ კონცეფცია. შეხვედრისას ხაზი გაესვა იმ გარემოებას, რომ საქართველოს სიძლიერეს წარმოადგენს მისი მრავალეთნიკური და კულტურულად მრავალფეროვანი საზოგადოება.
|
|
| 12 მარტი 2010 |
სახელმწიფო მინისტრის ვიზიტი ბრიუსელში
ვიცე პრემიერი, საქართველოს სახელმწიფო მინისტრი რეინტეგრაციის საკითხებში თემურ იაკობაშვილი 8-12 მარტს ოფიციალური ვიზიტით იმყოფებოდა ბრიუსელში. ბრიუსელში, სახელმწიფო მინისტრსა და ევროკავშირის პოლიტიკისა და უსაფრთხოების კომიტეტის წევრებს შორის ჩატარდა სპეციალური შეხვედრა, რომლის მიზანი იყო სახელმწიფო სტრატეგიის და სამოქმედო გეგმის განხილვა. შეხვედრისას გამოიკვეთა ევროკავშირის როლი სამოქმედო გეგმის შესრულებაში. ევროკავშირის წევრი ქვეყნების ელჩებმა მოიწონეს და მხარი დაუჭირეს საქართველოს მთავრობის ხედვას და სტრატეგიაში ასახულ პრიორიტეტებს.
ვიცე პრემიერმა ვიზიტის ფარგლებში სტრატეგია გააცნო ნატო-საქართველოს კომისიას და ოფიციალური შეხვედრები გამართა ევროკომისიის საგარეო ურთიერთობათა გენერალური დირექტორატის ხელმძღვანელის მოადგილესთან ჰიუგო მინგარელისთან და ევროკავშირის ინსტიტუტების წარმომადგენლებთან.
ნატოსა და ევროკავშირის ინსტიტუტებისა და არასამთავრობო ორგანიზაციების წარმომადგენლებმა საქართველოს მთავრობას გამოუცხადეს სრული მხარდაჭერა და მზადყოფნა აქტიურად ჩაერთონ ოკუპირებულ ტერიტორიებზე მცხოვრები მოსახლეობის კეთილდღეობისაკენ მიმართულ სამოქმედო გეგმის შეშუშავებასა და განხორციელებაში.
ვიზიტის დროს, თემურ იაკობაშვილს ჰქონდა ინტერვიუები მედიის სხვადასხვა წარმომადგენელთან, მათ შორის EU Observer-ის ჟურნალისტთან ენდრიუ რეტმანთან და ესტონეთის საზოგადოებრივ მაუწყებელთან.
|
|
| 01 მარტი 2010 |
"Radio France Internationale"-ს ინტერვიუ სახელმწიფო მინისტრთან თემურ იაკობაშვილთან (რუსულ ენაზე)
Галина Аккерман: Господин Якобашвили, Вы встретились с французским руководством, чтобы представить грузинскую программу в отношении «оккупированных территорий», то есть Южной Осетии и Абхазии. Я прочитала ваши предложения, и хотела бы получить несколько уточнений.
Например, в программе написано, что необходимо установить свободное передвижение людей между Грузией и этими сепаратистскими регионами, но насколько я понимаю, российская армия совместно с местными вооруженными формированиями уже построила границу, которая практически на замке. Как в этих условиях может осуществляться свободное передвижение людей?
Темур Якобашвили: сигнала. Естественно, мы не собираемся разбрасывать листовки с вертолета или заниматься подобным маразмом. Есть современные медиа-средства, которые позволяют доставить информацию и довести ее до этих людей, в том числе.
- Вы хотите сказать, что люди, обладающие компьютерами в Абхазии и Южной Осетии, смогут получить доступ к бесплатному интернету через грузинского провайдера? и распространения информации. Мы не боимся информации из России, но мы думаем, что открытые каналы для обмена информацией очень важны.
- Вы не ответили на мой вопрос. В настоящее время Первый Кавказский выходит в эфире только через интернет или он также доступен в Грузии тем, у кого есть обычные телевизоры? Если это так, могут ли его принимать жители Абхазии и Южной Осетии?
- Традиционное телевещание только отчасти покрывает эти регионы. Сигнал не доходит, например, до Сухуми. После того, как мы найдем другой спутник, Первый Кавказский станет доступным для всех.
- Уже больше года назад Радио «Свобода» начало вещать на русском языке из Тбилиси для жителей Абхазии и Южной Осетии. Есть ли статистика? Много ли у «Свободы» слушателей на этих территориях?
- Идея этого вещания принадлежит мне, и я долго и упорно ее пробивал. Я думаю, что люди имеют право на разные мнения и на собственную точку зрения. В данный момент трудно судить, сколько радиослушателей у них есть, потому что нет независимых источников информации. Мне говорили неоднократно, что люди довольно активно слушают эти передачи.
- Как радиожурналист, я могу это только приветствовать. Мы лишний раз убеждаемся, что старое доброе радио оказывается наиболее надежным источником информации в этом современном технологическом мире.
- Я с Вами согласен. В современном мире радио себя не изжило, и если люди не слушают радио дома, хотя хозяйки как раз и слушают, они слушают его в машине. Радио остается важным медиа-средством для получения и распространения информации. Тем более в таких местах, где действуют ограничения, а ограничения на этих оккупированных территориях существуют. Населению пытаются промывать мозги через российские теле- и радиоканалы, по рецептам классической тоталитарной пропаганды, и тот контент, который идет по этим каналам, можно назвать контентом лжи и распространения национальной розни.
- Мы очень активно обсуждаем этот вопрос и внутри страны, и с донорами. В современном мире интернет не должен быть предметом роскоши, это – средство получения Начнем с того, что наша стратегия преследует цель не изолировать эти территории от остальной Грузии и от остального мира. Мы видим попытки с российской стороны аннексировать эти территории, изолировать их и помешать им иметь отношения с остальным миром. Но несмотря на то, что там находятся российские войска, что Россия прислала туда своих пограничников, мне кажется, что полностью закрыть административную границу ей не удастся.
Есть объективные причины, почему люди должны передвигаться. Тут и торговля, и здравоохранение, и образование. Искусственно отрезать этих людей у России не получится. Это не получалось в прошлом даже при наличии Берлинской стены, люди и тогда стремились к свободе, а уж в 21м веке это и подавно невозможно.
Естественно, мы ожидаем, что в какой-то момент может наступить ужесточение режима передвижения, будут новые препятствия, но мы надеемся на международное сообщество, на здравомыслящих людей, которые проживают на этих территориях. Мы надеемся, что возобладают практические нужды жителей этих территорий, которые довольно активно передвигаются через оккупационную линию. Если Берлинская стена не остановила людей, то абхазская или осетинская стена вряд ли смогут быть эффективными.
Есть чисто практические аспекты. Например, Цхинвальский регион (Южная Осетия) полностью привязан в экономическом смысле к остальной Грузии, и осуществлять хотя бы поставки продовольствия через Рокский туннель, который не функционирует зимой, практически невозможно.
- Вы хотите сказать, что сегодня на территорию Южной Осетии продовольствие поставляют грузинские компании?
- На данном этапе, это – не компании, а индивидуальные лица, и там расцветает так называемый «чемоданный бизнес». Мы хотим придать этому явлению цивильные формы и предоставить коммерсантам цивильные возможности. Согласитесь, нездорово, что в Цхинвали помидоры продаются по 10 евро за килограмм.
- Следующий вопрос связан с вашими планами в области образования. В программе написано, что будет предоставлена возможность населению Абхазии и Южной Осетии получать образование в Грузии. Конкретно, много таких просьб поступает? И как это будет осуществляться? Вы будете давать стипендии? Предоставлять общежития? Ведь это – в основном бедные люди.
- Естественно, мы будем создавать специальные механизмы для этого. Во-первых, на территории Абхазии проживает весьма ощутимое количество этнических грузин, которые хотят получить образование на родном языке, многие из них приезжают для этого в Тбилиси. Нам приходится создавать специальные программы, чтобы как-то стереть различия в системах образования. Кроме этого, мы хотим предложить населению Абхазии и Южной Осетии обучаться не только в Грузии, но включить их в квоты, которые получает Грузия в зарубежных университетах, в разных программах, будь то для студентов или для школьников. Жители Абхазии и Южной Осетии станут интегральной частью международных программ, в которых участвует Грузия. Не думаю, что какая-нибудь военная сила может их остановить и запретить им получать образование в Гарварде или Сорбонне.
- А как будет функционировать ваша программа в области здравоохранения? Населению Абхазии и Южной Осетии будет предоставлено грузинское государственное медицинское страхование? Или будет оказываться помощь в экстренных ситуациях?
- На практике это уже осуществляется. К сожалению, на этих территориях распространены некоторые тяжелые заболевания. В Абхазии, например, много случаев гепатита С, туберкулеза, СПИДа. Там эти болезни вообще не лечат. Для того, чтобы получить медицинскую помощь, больным надо ехать или в Москву, или в Тбилиси. Москва далеко, Тбилиси ближе. И у нас есть государственные программы для населения Грузии, в том числе для Абхазии и Южной Осетии. Больные уже приезжают, им уже оказывается помощь, а теперь мы хотим облегчить эту процедуру и сделать ее более доступной.
- Вы создали Первый Кавказский канал телевещания на русском языке, хотя у вас возникли трудности с размещением канала на спутнике «Евтелсата». Мне представляется, что одной их целей создания русскоязычного вещания было как раз вещание на Абхазию и Южную Осетию, не правда ли? Могут ли сегодня жители этих регионов смотреть этот канал, несмотря на отсутствие ретрансляции через спутник?
- Мы собираемся использовать все современные медиа-средства, чтобы донести нашу правду до русскоязычного населения, где бы оно ни проживало. Будь то в Абхазии, в Цхинвальском регионе, в Москве, в Азербайджане или в Казахстане. Мы создавали этот канал не в пику России, не против России, не для Северного Кавказа, как часто выдумывают в России, а для русскоязычного населения во всем мире. Франция создала англоязычный и арабоязычный канал для вещания во всем мире, и мы пошли по тому же пути. Вещание прекратилось из-за известной проблемы с французской компанией «Евтелсат», но мы сейчас находимся не только в судебном разбирательстве с этой компанией, но и ищем другие альтернативы.
Кроме того, мы думаем, что было бы интересно предоставить жителям на оккупированных территориях доступ к бесплатному интернету. Это позволит им получать телепрограммы через интернет, вместо традиционного телевизионного
|
|
| 01 მარტი 2010 |
სამუშა ვიზიტი ამერიკის შეერთებულ შტატებში
ვიცე პრემიერი, რეინტეგრაციის საკითხებში სახელმწიფო მინისტრი თემური იაკობაშვილი 20 თებერვლიდან 27 თებერვლამდე იმყოფებოდა სამუშა ვიზიტით ამერიკის შეერთებულ შტატებში, ნიუ-იორკსა და ვაშინგტონში. ვიზიტის მიზანი იყო საქართველოს მთავრობის სახელმწიფო სტრატეგიის: “ჩართულობა თანამშრომლობის გზით” წარდგენა. ნიუ-იორკში ვიცე პრემიერმა გამართა შეხვედრები გაეროს განვითარების პროგრამის დირექტორის მოადგილესთან რებეკა გრინსპანთან, სადაც განიხილეს სტრატეგიის სამოქმედო გეგმის განხორციელების მექანიზმები.
ასევე, სახელმწიფო მინისტრი შეხვდა ევროკავშირის, აფრიკის კავშირის და ლათინური ამერიკის ქვეყნების ჯგუფებს. ელჩები მიესალმნენ საქართველოს სწრაფვას ოკუპირებულ ტერიტორიებზე მცხოვრები მოსახლეობის კეთილდღეობისკენ მიმართულ სამოქმედო გეგმის შემუშავებასთან მიმართებაში, აგრეთვე მყარი მხარდაჭერა გამოხატეს არაღიარების პოლიტიკისადმი.
თემურ იაკობაშვილმა წაიკითხა საჯარო ლექცია კოლუმბიის უნივერსიტეტში, შეხვდა აკადემიური წრეების და ჰუმანიტარული ორგანიზაციების წარმომადგენლებს და მონაწილეობა მიიღო ექსპერტებთან დებატებში.
ვაშინგტონში თემურ იაკობაშვილმა სტრატეგია განიხილა ოფიციალურ შეხვედრებზე პრეზიდენტ ობამას თანაშემწესა და ეროვნული უშიშროების საბჭოს ევროპის საკითხებში უფროს დირექტორთან ელიზაბეტ შერვუდთან და პოლიტიკურ საკითხებში სახელმწიფო მდივნის მოადგილესთან ვილიამ ბერნსთან. ამერიკის შეერთებული შტატები მიესალმება საქართევლოს მთავრობის ხედვასა და სტარატეგიაში ასახულ პრიორიტეტებს. მათ გამოხატეს სრული მხარდაჭერა და მზადყოფნა სამოქმედო გეგმის შემუშავებასა და განხორციელებაში.
სახელმწიფო მინისტრი ასევე შეხვდა ამერიკის დეპარტამენტის საერთაშორისო განვითარების სააგენტოს, «სტრატფორის» ანალიტიკური ცენტრისა და «ევრაზია ნეტ» - ის ჟურნალისტებს. ვიზიტის მსვლელობისას სახელმწიფო მინისტრს ჰქონდა საჯარო გამოსვლები და დისკუსიები კარნეგის ცენტრში, ელიოტის სკოლასა და ჯორჯ ვაშინტონის უნივერსიტეტში.
|
|
| 16 თებერვალი 2010 |
სამუშაო ვიზიტი პარიზში
პარიზში სამუშაო ვიზიტად მყოფმა ვიცე-პრემიერმა, რეინტეგრაციის საკითხებში სახელმწიფო მინისტრმა თემური იაკობაშვილმა ოფიციალური შეხვედრები გამართა საფრანგეთის საგარეო საქმეთა მინისტრთან, ბერნარ კუშნერთან და საფრანგეთის სახელმწიფო მდივანთან ევროპის საკითხებში, პიერ ლელუშთან. შეხვედრებზე განიხილეს საფრანგეთის მონაწილეობა ოკუპირებული ტერიტორიების მიმართ სახელმწიფო სტრატეგიის: “ჩართულობა თანამშრომლობის გზით” სამოქმედო გეგმის შემუშავებასა და მის განხორციელებაში.
საფრანგეთი მიესალმება საქართველოს მთავრობის ხედვას და სტრატეგიაში გაცხადებულ პრიორიტეტებს. ამასთან, მზადყოფნას გამოთქვამს აქტიური როლი ითამაშოს ოკუპირებულ ტერიტორიებზე მცხოვრები მოსახლეობის კეთილდღეობისაკენ მიმართული პროგრამების შემუშავებაში.
ვიზიტის ფარგლებში, სახელმწიფო მინისტრი შეხვდა საფრანგეთის საგარეო საქმეთა და თავდაცვის სამინსტროების მაღალი თანამდებობების პირებს და მსოფლიოში ერთ-ერთი წამყვანი ანალიტიკური ცენტრის – საფრანგეთის საერთაშორისო ურთიერთობების ინსტიტუტის ექსპერტებს.
დაგეგმილია კონსულტაციები სხვა მაღალი რანგის პოლიტიკოსებთან და შეხვედრები ფრანგული მედიის წარმომადგენლებთან.
|
|
| 03 თებერვალი 2010 |
სახელმწიფო მინისტრის ვიზიტი სტრასბურგში
საქართველოს ვიცე-პრემიერი, სახელმწიფო მინისტრი რეინტეგრაციის საკითხებში თემურ იაკობაშვილი 2თებერვლიდან 4 თებერვლამდე სამუშაო ვიზიტით სტრასბურგში იმყოფება. აღნიშნული ვიზიტის ფარგლებში, 3 თებერვალს სახელმწიფო მინისტრი ოკუპირებული ტერიტორიების შესახებ სახელმწიფო სტრატეგიას ევროსაბჭოს მინისტრთა კომიტეტს წარუდგენს.
გარდა ამისა, დაგეგმილია ოფიციალური შეხვედრა ევროსაბჭოს გენერალურ მდივანთან თორბორნ იაგლანდთან.
|
|
| 01 თებერვალი 2010 |
თბილისი-მოსკოვი ტელე-ხიდი
ორშაბათს, 1 თებერვალს, თბილისის საერთაშორისო პრეს-ცენტრში (რია-ნოვოსტი) გამართულ ტელე-ხიდში მონაწილეობა მიიღეს ქართული მხრიდან საქართველოს ვიცე-პრემიერმა, სახელმწიფო მინისტრმა რეინტეგრაციის საკითხებში თემურ იაკობაშვილმა, რუსული მხრიდან კი წარმოდგენილნი იყვნენ პოსტ-საბჭოთა სივრცეში საზოგადოებრივ-პოლიტიკური პროცესების ინფორმაციულ-ანალიტიკური ცენტრის გენერალური დირექტორი ალექსეი ვლასოვი, დსთ-ს ქვეყნების ინსტიტუტის კავკასიის განყოფილების ხელმძღვანელი, რუსეთის ყოფილი ელჩი საქართველოში (1996-2000) ფელიქს სტანევსკი, რუსი და რუსეთში აკრედიტებული უცხოელი ჟურნალისტები.
ტელეხიდის დროს სახელმწიფო მინისტრმა უპასუხა შეკითხვებს ჟენევის მე-9 რაუნდის შეხვედრის შემდგომ აფხაზეთსა და სამხრეთ ოსეთში არსებულ სიტუაციასთან დაკავშირებით. შეკითხვები ეხებოდა ასევე საქართველოს მთავრობის სტრატეგიას ოკუპირებულ ტერიტორიებთან მიმართებაში.
|
|
| 29 იანვარი 2010 |
უწყებათაშორისი კომისიის შეხვედრა
29 იანვარს, რეინტეგრაციის საკითხებში საქართველოს სახელმწიფო მინისტრის აპარატის ორგანიზებით, თბილისის საკრებულოს შენობაში ჩატარდა პირველი უწყებათაშორისი კომისიის შეხვედრა. განხილული იქნა 2010 წლის სამოქმედო გეგმის განახლებული ვერსიის მომზადებასთან დაკავშირებული უწყებათაშორისი კოორდინაციის ფორმები და პროცედურები. |
|
| 15 დეკემბერი 2009 |
შეხვედრა ხარლამპოს ხრისტოპულოსთან
15 დეკემბერს ვიცე-პრემიერი, რეინტეგრაციის საკითხებში საქართველოს სახელმწიფო მინისტრი თემური იაკობაშვილი შეხვდა ეუთოს საბერძნეთის თავმჯდომარეობის სპეციალურ წარმომადგენელს საქართველოში, ხარალამპოს ხრისტოპულოსს და მის ყაზახ შემცვლელს, ბოლატ ნურგალიევს. შეხვედრაზე საუბარი შეეხო რუსეთის საოკუპაციო ძალების და ცხინვალის მარიონეტული რეჟიმის წარმომადგენლების მიერ ჯერ კიდევ უკანონო ტყვეობაში მყოფ საქართველოს მოქალაქეების განთავისუფლების საკითხს.
მხარეებმა აგრეთვე განიხილეს ოკუპირებულ ტერიტორიებთან მიმართებაში სახელმწიფო სტრატეგიის შემუშავებასთან დაკავშირებული საკითხები.
|
|
| 15 დეკემბერი 2009 |
ანონსი
16 დეკემბერს, 11:30 საათზე ვიცე პრემიერ მინისტრი, რეინტეგრაციის საკითხებში საქართველოს სახელმწიფო მინისტრი თემური იაკობაშვილი შეხვდება საფრანგეთის ელჩს საქართველოში ერიკ ფურნიეს და საფრანგეთის საგარეო საქმეთა სამინისტროს დელეგაციას მარტიე კარმონას ხელმძღვანელობით. შეხვედრა გაიმართება მთავრობის კანცელარიის მე-5 სართულზე.
|
|
| 02 დეკემბერი 2009 |
შეხვედრა ელჩებთან
2 დეკემბერს ვიცე-პრემიერმა, რეინტეგრაციის საკითხებში საქართველოს სახელმწიფო მინისტრმა თემური იაკობაშვილმა შეხვედრა გამართა დიდი ბრიტანეთის და გერმანიის ფედერაციული რესპუბლიკის საგანგებო და სრულუფლებიან ელჩებთან, დენის კიფთან და პატრიცია ფლორთან. შეხვედრას ასევე ესწრებოდნენ აშშ-ს ელჩის მოადგილე კენტ ლოგსდონი და საფრანგეთის საელჩოს ატაშე თანამშრომლობის საკითხებში, ევა სერგო.
საუბარი შეეხო ოკუპირებულ ტერიტორიებთან მიმართებაში სახელმწიფო სტრატეგიის შემუშავების პროცესში განხორციელებულ საქმიანობებს და სამომავლო გეგმებს. |
|
| 02 დეკემბერი 2009 |
სახელმწიფო მინისტრის შეხვედრა ჟან ლუი ლორანთან
2 დეკემბერს ვიცე-პრემიერი, რეინტეგრაციის საკითხებში საქართველოს სახელმწიფო მინისტრი თემური იაკობაშვილი შეხვდა ევროსაბჭოს დემოკრატიისა და პოლიტიკურ საკითხთა გენერალურ დირექტორს, ჟან ლუი ლორანს. შეხვედრას ასევე ესწრებოდა ევროსაბჭოს მდივნის სპეციალური წარმომადგენელი საქართველოში ბორის უოტსი.
განიხილეს თურქი მესხების საქართველოში დაბრუნების საკითხი, ამასთანავე ადამიანის უფლებების მონიტორინგის აუცილებლობა ოკუპირებულ ტერიტორიებზე.
სახელმწიფო მინისტრმა ხაზი გაუსვა ევროსაბჭოს მექანიზმების მნიშვნელობას ოკუპირებულ ტერიტორიებზე მონიტორინგის განსახორციელებლად და მონიტორების ფართო მანდატით მოქმედების აუცილებლობას.
შეხვედრის დროს სახელმწიფო მინისტრმა ჟან ლუი ლორანს მიაწოდა ინფორმაცია საქართველოს მიერ აღებული ვალდებულებების შესრულებასთან დაკავშირებით. საუბარი ასევე შეეხო რელიგიური უმცირესობების სტატუსის მდგომარეობას და კანონს რეგoონალურ ენასთან დაკავშირებით.
შეხვედრაზე ასევე განიხილეს საქართველოს სახელმწიფო სტრატეგია ოკუპირებულ ტერიტორიებთან მიმართებაში. |
|
| 27 ნოემბერი 2009 |
ანონსი
28 ნოემბერს, 11:00 საათზე ვიცე პრემიერ მინისტრი, რეინტეგრაციის საკითხებში საქართველოს სახელმწიფო მინისტრი თემური იაკობაშვილი გამართავს კონსულტაციებს საერთაშორისო ორგანიზაციებთან და საერთაშორისო არასამთავრობო ორგანიზაციებთან ოკუპირებულ ტერიტორიებთან მიმართებაში საქართველოს სახელმწიფო სტრატეგიასთან დაკავშირებით.
შეხვედრა გაიმართება საქართველოს სტრატეგიისა და საერთაშორისო ურთიერთობების კვლევის ფონდში (GFSIS).
მისამართი: ჩიტაძის ქ. N3ა (იტალიის საელჩოს ეზოში).
|
|
| 27 ნოემბერი 2009 |
თემური იაკობაშვილის და კნუტ ვოლებეკის შეხვედრა
27 ნოემბერს, ვიცე პრემიერ-მინისტრი, რეინტეგრაციის საკითხებში საქართველოს სახელმწიფო მინისტრი, თემური იაკობაშვილი შეხვდა ეუთოს უმაღლეს კომისარს ეროვნულ უმცირესობების საკითხებში, კნუტ ვოლებეკს. შეხვედრაზე მხარეებმა ისაუბრეს საქართველოში მცხოვრები ეროვნული უმცირესობების უფლებების დაცვის საკითხებში არსებულ ვითარებაზე და ამ კუთხით საქართველოს მთავრობის სამომავლო გეგმებზე.
ეროვნულ უმცირესობების საკითხებში ეუთოს უმაღლესმა კომისარმა ისაუბრა სამცხე-ჯავახეთში თავისი ვიზიტის შესახებ და აღნიშნა, რომ ამ რეგიონში ეროვნული უმცირესობების მდგომარეობა მნიშვნელოვნად გაუმჯობესებულია.
შეხვედრაზე, ასევე განიხილეს სახელმწიფო სტრატეგია ოკუპირებულ ტერიტორიებთან მიმართებაში. საუბრისას განსაკუთრებული ყურადღება დაეთმო საქართველოს ოკუპირებულ ტერიტორიებზე მცხოვრები მოსახლეობის ადამიანის უფლებების დარღვევის გახშირებულ ფაქტებს. ამასთანავე, სახელმწიფო მინისტრმა ხაზი გაუსვა საერთაშორისო თანამეგობრობის როლის მნიშვნელობას ოკუპირებულ ტერიტორიებზე მცხოვრები მოსახლეობის ადამიანთა უფლებების დაცვის საკითხებში.
|
|
| 25 ნოემბერი 2009 |
ვიზიტი ლონდონში
23-26 ნოემბერს, ვიცე პრემიერ-მინისტრი, რეინტეგრაციის საკითხებში საქართველოს სახელმწიფო მინისტრი თემური იაკობაშვილი მიწვეულია ქ. ლონდონში უილტონ პარკის კონფერენციაზე, რომელიც ეხება სამხრეთ კავკასიისა და შავი ზღვის აუზის ქვეყნების გაფართოებულ მეზობლობის საკითხს.
25 ნოემბერს სახელმწიფო მინისტრი ისაუბრებს სამხრეთ კავკასიაში არსებულ კონფლიქტებზე და მათი გადაჭრის გზებზე. |
|
| 19 ნოემბერი 2009 |
შეხვედრა ამერიკის შეერთებული შტატების თავდაცვის დელეგაციასთან
19 ნოემბერს ვიცე-პრემიერი, რეინტეგრაციის საკითხებში საქართველოს სახელმწიფო მინისტრი თემური იაკობაშვილი შეხვდა ამერიკის შეერთებული შტატების თავდაცვის დელეგაციას, რომელსაც ხელმძღვანელობდა თავდაცვის მდივნის მოადგილე რუსეთი-უკრაინა-ევრაზიის საკითხებში სელესტ ვოლენდერი. შეხვედრაზე განიხილეს სახელმწიფო სტრატეგია ოკუპირებულ ტერიტორიებთან მიმართებაში. საუბარი ასევე შეეხო აშშ-ს და საქართველოს ორმხრივ ურთერთობებს და თანამშრომლობის სფეროებს. |
|
| 13 ნოემბერი 2009 |
შეხვედრა პანკისის ხეობის ადგილობრივ ქისტ მოსახლეობასა და ჩეჩენ ლტოლვილებთან
2009 წლის 13 ნოემბერს რეინტეგრაციის საკითხებში საქართველოს სახელმწიფო მინისტრის მოადგილე ელენე თევდორაძე და ამავე აპარატის სამოქალაქო ინტეგრაციის სამართველოს თანამშრომლები შეხვდნენ პანკისის ხეობის სოფელ დუისში კომპაქტურად ჩასახლებულ ჩეჩენ ლტოლვილებს, მოინახულეს სოფელ ჯოყოლოსა და დუისში მცხოვრები ქისტი მოსახლეობა, ასევე დაათვალიერეს დუისის საშუალო სკოლა და გაესაუბრნენ პედაგოგებს სკოლაში არსებულ პრობლემებზე. |
|
| 13 ნოემბერი 2009 |
შეხვედრა ევროკავშირის წევრი ქვეყნების ელჩებთან
13 ნოემბერს ვიცე პრემიერ-მინისტრი, რეინტეგრაციის საკითხებში საქართველოს სახელმწიფო მინისტრი თემური იაკობაშვილი შეხვდა ევროკავშირის საბჭოს პოლიტიკური და უსაფთხოების კომიტეტში ევროკავშირის წევრი ქვეყნების ელჩებს. დელეგაციას ხელმძღვანელობდა ევროკავშირის პოლიტიკისა და უსაფრთხოების კომიტეტის თავმჯდომარე, შვედეთის ელჩი ოლაფ სკუგი. ვიცე პრემიერ-მინისტრმა სტუმრებს საქართველოში არსებული ვითარება გააცნო, ისაუბრა ევროკავშირის როლზე და 2008 წლის აგვისტოში რუსეთ-საქართველოს შორის მომხდარი ომის შედეგად შექმნილ რეალობაზე. სახელმწიფო მინისტრმა დეტალურად ისაუბრა სახელმწიფო სტარტეგიაზე ოკუპირებულ ტერიტორიებთან მიმართებაში და შესაბამის სამოქმედო გეგმაზე, უკვე განხორციელებულ და დაგეგმილ საქმიანობებზე. მან კიდევ ერთხელ გაამახვილა ყურადღება იმაზე, თუ რაოდენ მნიშვნელოვანია საქართველოსთვის ევროკავშირისა და ევროპის რიგი სახელმწიფოების მიერ გაწეული დახმარება.
სტუმრებმა გამოხატეს დაინტერესება სახელმწიფო სტრატეგიასთან დაკავშირებით და გამოთქვეს სურვილი აქტიურად ჩაერთონ სტრატეგიის სამოქმედო გეგმის შემუშავებისა და განხორციელების პროცესში.
|
|
| 12 ნოემბერი 2009 |
შეხვედრა ნიდერლანდების საგარეო საქმეთა სამინისტროს სპეციალურ წარმომადგენელთან
12 ნოემბერს, ვიცე-პრემიერი, რეინტეგრაციის საკითხებში სახელმწიფო მინისტრი თემური იაკობაშვილი შეხვდა ნიდერლანდების საგარეო საქმეთა სამინისტროს სპეციალურ წარმომადგენელს აღმოსავლეთ პარტნიორობისა და აღმოსავლეთ მეზობელი ქვეყნების საკითხებში, ელჩს ონო ჰატინგა ვანთ სანტს. შეხვედრას ასევე ესწრებოდნენ ნიდერლანდების სამეფოს საგანგებო და სრულუფლებიანი ელჩი საქართველოსა და სომხეთის რესპუბლიკაში პიტერ იან ლანგენბერგი, საქართველოს საგანგებო და სრულუფლებიანი ელჩი ნიდერლანდების სამეფოში მაია ფანჯიკიძე, ნიდერლანდების საელჩოსა და რეინტეგრაციის საკითხებში სახელმწიფო მინისტრის აპარატის თანამშრომლები.
შეხვედრის დროს საუბარი შეეხო, სახელმწიფო სტრატეგიას ოკუპირებულ ტერიტორიებთან მიმართებაში. სახელმწიფო მინისტრმა სტუმრებს გააცნო სახელმწიფო ხედვა, სტრატეგიისა და შესაბამისი სამოქმედო გეგმის შესაძლო სფეროები, უკვე განხორციელებული და დაგეგმილი საქმიანობები.
ნიდერლანდების საგარეო საქმეთა სამინისტროს სპეციალურმა წარმომადგენელმა გამოთქვა მზადყოფნა, მათი კომპეტენციის ფარგლებში აქტიურად ჩაერთოს სტრატეგიისა და სამოქმედო გეგმის შემუშავების პროცესში. |
|
| 30 ოქტომბერი 2009 |
ეროვნული კონცეფციის და სამოქმედო გეგმის პრეზენტაცია
რეინტეგრაციის საკითხებში საქართველოს სახელმწიფო მინისტრის აპარატის ინიციატივით, საქართველოს გაეროს ასოციაციის ”ეროვნული ინტეგრაციისა და ტოლერანტობის პროგრამის” ფარგლებში აშშ-ს საერთაშორისო განვითარების სააგენტოს ფინანსური მხარდაჭერით, შემწყნარებლობისა და სამოქალაქო ინტეგრაციის ეროვნული კონცეფცია და სამოქმედო გეგმა ითარგმნა აზერბაიჯანულ და სომხურ ენებზე იმ რეგიონებისათვის, სადაც კომპაქტურად ცხოვრობენ აზერბაიჯანელი და სომეხი ეროვნების საქართველოს მოქალაქეები.
30 ოქტომბერს ქ. მარნეულის კულტურის სახლში, გაიმართა ამ დოკუმენტის პრეზენტაცია. პრეზენტაციას ესწრებოდნენ, რეინტეგრაციის საკითხებში საქართველოს სახელმწიფო მინისტრის მოადგილე ელენე თევდორაძე, პრეზიდენტის რწმუნებული ქვემო ქართლის მხარეში დავით კირკიტაძე, შვიდივე რაიონის მმართველობისა და თვითმმართველობის წარმომადგენლები და აპარატის თანამშრომლები. |
|
| 26 ოქტომბერი 2009 |
სახელმწიფო მინისტრის ინიციატივით გამართული სამუშაო შეხვედრა
ამა წლის 23-24 ოქტომბერს, ვიცე-პრემიერის, რეინტეგრაციის საკითხებში სახელმწიფო მინისტრის თემურ იაკობაშვილის ინიციატივით გაიმართა სამუშაო შეხვედრა, რომელიც მიეძღვნა ოკუპირებულ ტერიტორიებთან მიმართებაში სახელმწიფო სტრატეგიაში შემავალი ყველა ძირითადი პუნქტის განხილვას.
შეხვედრაზე მიწვეულნი იყვნენ არასამთავრობო სექტორის წარმომადგენლები, სხვადასხვა სფეროში მომუშავე ცნობილი ადგილობრივი ექსპერტები.
ასევე მუშაობაში მონაწილეობა მიიღეს აფხაზეთის ლეგიტიმური მთავრობის, უზენაესი საბჭოს პირველმა პირებმა, სამხრეთ ოსეთის ადმინისტრაციის წარმომადგენლებმა და რეინტეგრაციის საკითხებში სახელმწიფო მინისტრის აპარატის თანამშრომლებმა.
შეხვედრა კონსტრუქციულ გარემოში ჩატარდა და პროდუქტიულობის მაღალი ხარისხით გამოირჩეოდა.
მონაწილეების მხრიდან ხაზი გაესვა სამოქალაქო სექტორის ჩართულობის მნიშვნელობას და მსგავსი შეხვედრების ჩატარების აუცილებლობას უახლოეს მომავალში.
|
|
| 07 ოქტომბერი 2009 |
ვიზიტი პანკისის ხეობაში
2009 წლის 7 ოქტომბერს რეინტეგრაციის საკითხებში საქართველოს სახელმწიფო მინისტრის აპარატის თანამშრომლები ECRI-სთან (ევროკომისია რასიზმისა და შეუწყნარებლობის წინააღმდეგ) ერთად ეწვიენ პანკისის ხეობას. შეხვედრები გაიმართა ადგილობრივი ხელისუფლების წარმომადგენლებთან, ჩეჩენ ლტოლვილებთან, ადგილობრივ ქისტ მოსახლეობასა და იქ მოქმედ არასამთავრობო ორგანიზაციებთან.
ვიზიტის მიზანი იყო ECRI-ის წარმომადგენლების ინფორმირება პანკისის ხეობაში არსებულ ვითარებაზე: ირღვევა თუ არა ჩეჩენი ლტოლვილების უფლებები საქართველოში, როგორი ურთიერთდამოკიდებულება აქვთ ადგილობრივ მოსახლეობასა და ჩეჩენ ლტოლვილებს, ხდება თუ არა ჩეჩენი ლტოლვილების დასაქმება საჯარო სამსახურებში; ასევე პოლიციისა და ძალოვანი სტრუქტურების სხვა წარმომადგენლების დამოკიდებულება ჩეჩენ ლტოლვილებთან მიმართებაში და სხვ.
|
|
| 22 სექტემბერი 2009 |
სახელმწიფო უწყებათაშორისი კომისიის წევრთა ტრეინინგ-სემინარი
შემწყნარებლობისა და სამოქალაქო ინტეგრაციის სამოქმედო გეგმის განხორ¬ციელების მიზნით შექმნილი სახელმწიფო უწყებათაშორისი კომისიის წევრთათვის მიმდინარე წლის 21-22 სექტემბერს გაიმართა ტრეინინგ-სემინარი ,,საქართველოში ეროვნულ უმცირესობათა დაცვის შესახებ ევროპული ჩარჩო კონვენციის” შესრულების თაობაზე. ღონისძიების კოორდინატორები იყვნენ, რეინტეგრაციის საკითხებში საქართველოს სახელმწიფო მინისტრის მოადგილე ელენე თევდორაძე და სახელმწიფო მინისტრის აპარატის წარმომადგენლები.
შეხვედრაზე სახელმწიფო უწყებათაშორისი კომისიის წევრებმა განიხილეს სამოქმედო გეგმით გათვალისწინებული პროექტების მიმდინარეობა და იმსჯელეს კოორდინაციის განხორციელების ინოვაციურ მეთოდებზე.
სემინარი დააფინანსა უმცირესობათა საკითხებში ევროპულმა ცენტრმა და დანიის კავკასიის პროგრამამ ,,2008-2009 სათანადო მართვის, ადამიანის უფლებათა და კანონის უზენაესობის გაუმჯობესება საქართველოში”.
|
|
| 14 სექტემბერი 2009 |
შეხვედრა აშშ-ის სახელმწიფო მდივნის მოადგილის თანაშემწესთან
დღეს, 14 სექტემბერს ვიცე-პრემიერი, რეინტეგრაციის საკითხებში საქართველოს სახელმწიფო მინისტრი თემური იაკობაშვილი შეხვდა კავკასიისა და სამხრეთ ევროპის საკითხებში აშშ-ის სახელმწიფო მდივნის მოადგილის თანაშემწეს თინა ქეიდენაუს. შეხვედრას გაცნობითი ხასიათი ჰქონდა.
სახელმწიფო მინისტრმა ქალბატონ ქეიდენაუს მიაწოდა ინფორმაცია აპარატის საქმიანობის შესახებ. ასევე განიხილეს სამომავლო სტრატეგია ოკუპირებულ ტერიტორიებთან მიმართებაში. |
|
| 14 სექტემბერი 2009 |
შეხვედრა ელჩებთან
დღეს, 14 სექტემბერს ვიცე-პრემიერი, რეინტეგრაციის საკითხებში საქართველოს სახელმწიფო მინისტრი თემური იაკობაშვილი შეხვდა საფრანგეთის ელჩს ერიკ ფურნიეს, გერმანიის ელჩს პატრიცია ფლორს და ბრიტანეთის ელჩს დენის კიფს. შეხვედრას ასევე ესწრებოდნენ ამერიკის საელჩოს წარმომადგენლები.
საუბარი შეეხო სამომავლო სტრატეგიას ოკუპირებულ ტერიტორიებთან მიმართებაში.
|
|
| 10 აგვისტო 2009 |
ერთი წლის გადმოსახედიდან (რეზონანსისთვის)
2008 წლის 7 აგვისტოს 23 საათსა და 35 წუთზე საქართველოს პრეზიდენტმა, საქართველოს სახელმწიფოებრიობის დაცვას და საქართველოს მოქალაქეების უსაფრთხოების უზრუნველყოფის მიზნით, გასცა თავდაცვითი ოპერაციის დაწყების ბრძანება. საქართველოს ხელისუფლებისათვის ამ უმძიმეს გადაწყვეტილებას წინ უძღოდა რუსეთის შეიარაღებული ძალების მიერ საქართველო-რუსეთის ჩრდილოეთ საზღვრის გადალახვა და მათ მიერ წინასწარ დაგეგმილი მასიური, კოორდინირებული თავდასხმა საქართველოზე. რუსეთის შეიარაღებულმა ძალებმა ჯერ ცხინვალის რეგიონის საზღვარი გადმოკვეთეს, ხოლო რამდენიმე საათის შემდეგ ზემო აფხაზეთშიც შეიჭრნენ. რუსეთის ფედერაციამ განახორციელა კოორდინირებული და სრულმასშტაბიანი თავდასხმა სახმელეთო, საზღვაო, საჰაერო და სარაკეტო ძალების გამოყენებით. ასევე გააჩაღა საინფორმაციო და კიბერნეტიკული ომი საქართველოს წინააღმდეგ. საქართველოში შემოჭრის მიზეზად მოსკოვმა ოსი ხალხის გენოციდის შეჩერება დაასახელა, რაც შემდგომში სიცრუედ იქნა მხილებული.
რუსეთის ფედერაციის ქმედებათა მრავალი წლის ანალიზი წარმოგვიდგენს საკმარის მტკიცებულებას, რომ მოსკოვს განზრახული ჰქონდა ქართული სახელმწიფოებრიობის დასუსტება და კონტროლი.
დასავლეთის მიერ კოსოვოს დამოუკიდებლობის აღიარებით წახალისებულმა მოსკოვმა, გაააქტიურა წინასწარ დაგეგმილი იურიდიული, სამხედრო, პარამილიტარული და დიპლომატიური მანევრების სერია, რაც მიზნად ისახავდა მოსალოდნელი შემოჭრის საბაბის შექმნას. 7 აგვისტოს მოვლენებს წინ უძღოდა თვეების მანძილზე გაჩაღებული იურიდიული, პოლიტიკური და სამხედრო პროვოკაციები საქართველოს წინააღმდეგ. წლების მანძილზე კი მოსკოვი ახდენდა სამხედრო ძალების კონცენტრაციას აფხაზეთსა და ცხინვალის რეგიონის ტერიტორიებზე.
ერთი თვალის გადავლებაც საკმარისია იმის დასანახად, თუ რა მეთოდებს იყენებდა რუსეთი საქართველოსთან “სამეგობროდ”:
• ასობით ათასი ქართველის ეთნიკური წმენდა კონფლიქტის ზონებში, ამ რეგიონების მოსახლეობის ეთნიკური ჰომოგენიზაციისა და ტერიტორიაზე პოლიტიკური კონტროლის კონსოლიდაციის მიზნით;
• 2002 წლის ივლისიდან კონფლიქტის ზონებში პასპორტიზაციის უკანონო კამპანიის წამოწყება. სწორედ ე.წ “რუსეთის მოქალაქეთა” “დაცვა” გაასაღა მოსკოვმა საქართველოში შემოჭრის ერთ-ერთ მიზეზად;
• 2006 წელს საზღვრების გადაკეტვა და საქართველოს სრული სავაჭრო, ფინანსური, საფოსტო და სატრანსპორტო ბლოკადა. (აღსანიშნავია, რომ იმ დროისათვის საქართველოს ექსპორტის 70% რუსეთზე მოდიოდა). ეთნიკური ქართველების დისკრიმინაცია და რუსეთის ფედერაციიდან განდევნა;
• 2007 წლის 12 დეკემბერს ევროპაში ჩვეულებრივი შეიარაღებული ძალების ხელშეკრულების შეჩერება. პარალელურად სამხედრო შეიარაღების მასშტაბური კონცენტრაცია საქართველო-რუსეთის საზღვარზე და კონფლიქტურ რეგიონებში;
• რუსეთის მიერ კონფლიქტურ რეგიონებთან მიმართებაში დაწესებული ეკონომიკური და შეიარაღების სანქციებთან დაკავშირებული საერთაშორისო შეთანხმებების უგულებელყოფა;
• 2008 წლის აპრილიდან აფხაზეთთან და ცხინვალის რეგიონთან იურიდიული კავშირების გაფართოება;
• ინტენსიური ანტიქართული პროპაგანდა, რომელიც წარმოადგენდა რუსეთის დიპლომატიის მცდელობას დასავლეთის თვალში საქართველო არახელსაყრელ პარტნიორად წარმოეჩინა;
• კონფლიქტურ ზონებში უკანონო სამხედრო შეიარაღების რაოდენობრივი ზრდა; (2008 წლის გაზაფხულიდან მოყოლებული, რუსეთის სარკინიგზო ჯარების მიერ აფხაზეთის რკინიგზის აღდგენა მძიმე სამხედრო აღჭურვილობის სწრაფი გადმოტანისათვის აუცილებელი ლოგისტიკური ინფრასტრუქტურის მომზადების მიზნით);
• გამიზნული მკვლელობები და სხვა შეიარაღებული პროვოკაციები საქართველოს კონფლიქტურ რეგიონებში უშუალოდ შემოჭრამდე რამდენიმე დღით ადრე.
მოსკოვმა შექმნა საკუთარი პოლიტიკის ეფექტურად განხორციელებისათვის საჭირო მეთოდოლოგია, რათა არსებული საერთაშორისო კონფლიქტის გადაჭრა ქვეყნის შიდა კონფლიქტის ჩარჩოებში მოეხდინა, ერთპიროვნულად აკონტროლებდა რა ე.წ. სამშვიდობო პროცესს და მოლაპარაკებების წარმართვის ყველა სტრუქტურას. რუსეთმა სეპარატისტული მთავრობები მარიონეტულ რეჟიმებად აქცია, თვით სეპარატიზმის მოვლენას კი ქართული სახელმწიფოებრიობის გასანადგურებლად იყენებდა.
სტაგნაციის წლებმა ეთნიკური მოსახლეობა ორივე კონფლიქტურ რეგიონში უკიდურესად გააღარიბა და საკუთარი ფუნდამენტალური უფლებების ქმედითუნარიანი დაცვის გარეშე დატოვა. ქართული მოსახლეობა კი ეთნიკურ ნიადაგზე განსაკუთრებული დევნის სამიზნე გახდა.
2004 წლიდან საქართველო თანმიმდევრულად ზრდიდა საერთაშორისო საზოგადოებასთან კონტაქტების ინტენსივობას კონფლიქტურ ტერიტორიებზე რუსეთის მხრიდან პოტენციურ სამხედრო შემოჭრის თავიდან აცილებისა და კონფლიქტის მოლაპარაკების გზით გადაჭრის საშუალებების ძიების მიზნით.
თბილისმა ასევე წარმოადგინა მოლაპარაკების გზით კონფლიქტის გადაწყვეტის მრავალი ინიციატივა, მაგრამ ყველა Mმათგანი უარყოფილ იქნა რუსეთის ფედერაციისა და მარიონეტული რეჟიმების მიერ. ხორციელდებოდა მხოლოდ ნდობის აღდგენისაკენ მიმართული ზომები, რომლებმაც შედეგი არ გამოიღო, რადგნ საერთო კონტექსტი ამის საშუალებას არ იძლეოდა. ამის მიზეზი ნაწილობრივ ისიც იყო, რომ საერთაშორისო საზოგადოება ამ პროცესს აღიქვამდა როგორც საქართველოს შიდა კონფლიქტს, და არა როგორც სახელმწიფოთაშორის კონფლიქტს, რასაც ის რეალურად წარმოადგენდა.
საქართველოს პრეზიდენტის მიერ შემოთავაზებული ინიციატივები, რომელიც მოწონებულ და მხარდაჭერილ იქნა საერთაშორისო საზოგადოების მხრიდან, მოიცავდა Fფართო ავტონომიების მინიჭებას, ძალაუფლების გადანაწილებას ცენტრალურ სახელისუფლებო ორგანოებში, ენისა და კულტურის დაცვას, ეკონომიკური რეაბილიტაციის პროექტებს და საგანგებო კონსტიტუციური უფლებების მინიჭებას. ყველა ამ შეთავაზებაზე მტკიცე უარი ითქვა. 2008 წლის ზაფხულის დასაწყისში კი, როდესაც დასავლელმა შუამავლებმა დაიწყეს დიპლომატიური ჩარევის გზების ძიება, მათი დაგვიანებული მცდელობები კვლავ წარუმატებელი აღმოჩნდა.
2008 წლის გაზაფხულზე საქართველოს ხელისუფლებამ არაერთხელ გააფრთხილა საერთაშორისო საზოგადოება რუსეთის ფედერაციის სამხედრო რიტორიკისა და ქმედებების გააქტიურების შესახებ. რუსეთის ხელისუფლების პირველი პირები დაუფარავად გამოხატავდნენ თავის გაღიზიანებას კოსოვოს დამოუკიდებლობის აღიარებისა და ნატოს ბუქარესტის სამიტზე მიღებული გადაწყვეტილების თაობაზე. მაგრამ სამწუხაროდ მაშინ საერთაშორისო საზოგადოებამ არ გასცა სათანადო პასუხი მოსკოვის პროვოკაციულ განცხადებებსა თუ ქმედებებზე. საქართველოს ხელისუფლების უმაღლესი ოფიციალური პირები ხაზს უსვამდნენ, რომ რუსეთი თანმიმდევრილად ემზადებოდა სამხედრო კონფრონტაციისთვის, მაგრამ ამ შემთხვევაშიც საერთაშორისო საზოგადოებამ სათანადოდ არ აღიქვა ქართული მხარის გაფრთხილება, რაც შემდგომში შეფასდა კიდეც დასავლეთის პოლიტიკის სერიოზულ შეცდომად.
საომარი მოქმედებების დასრულების ერთი წლის თავზე ხშირად საუბრობენ იმაზე, შეიძლებოდა თუ არა ამ კონფლიქტის თავიდან აცილება. მეც არა ერთხელ დამისვამს საკუთარი თავისთვის ეს კითხვა. მაგრამ რაც უფრო ღრმად ვაანალიზებ, უფრო მეტია ფაქტობრივი დასტური იმისა, რომ რუსეთის ფედერაციას გადაწყვეტილი ჰქონდა ნებისმიერ ფასად შეეცადა შეეცვალა საქართველოს ევროატლანტიკურ ინსტიტუტებში ინტეგრაციისაკენ მიმავალი გზა. შეეწყვიტა ენერგომატარებლების ტრანზიტი საქართველოს ტერიტორიიდან და შეეჩერებინა საქართველოს დემოკრატიულ სახელმწიფოდ ჩამოყალიბება. როგორც შემდგომში განვითარებულმა მოვლენებმა ცხადყო, მხოლოდ საქართველოს სუვერენიტეტზე და დამოუკიდებელ არჩევანზე უარის თქმა შეიძლება გამხდარიყო ის საფასური, რომელიც ომს თავიდან აგვაცილებდა, ისიც ტერიტორიების დაბრუნების არანაირი გარანტიით.
ომის წამოწყების სცენარი ეფუძნებოდა მარტივ გათვლას, რომ ე.წ. სეპარატისტებს იერიში უნდა მიეტანათ ქართულ დასახლებულ პუნქტებზე, რაც აუცილებლად გამოიწვევდა რეაქციას საქართველოს ხელისუფლების მხრიდან. რეაქციის არქონა კი თავისთავად პოლიტიკური და მორალური სუიციდი იქნებოდა. ჩვენი ინფორმაციით, რუსეთს იერიში აფხაზი სეპარატისტების ხელით კოდორის ხეობაზე უნდა მიეტანა. ბაღაფშმა უარი განაცხადა კოდორის შეტევაზე. სამაგიეროდ კოკოითი ადვილად დათანხმდა, რამაც შესაძლებლობა მისცა რუსეთის პროვოკაციების კერა გადაეტანა ცხინვალის რეგიონის ტერიტორიაზე.
ქართველი ჯარისკაცებისა და პოლიციელების თავდადებამ რამდენიმე ძვირფასი დღე მოგვაგებინა, სანამ საზაფხულო არდადეგების პირობებში საერთაშორისო საზოგადოებას მობილიზაცია და ჩვენზე ფოკუსირება მოეხდინა. შედეგად მივიღეთ უპრეცედენტო მორალური მხარდაჭერა მთელი რიგი სახელმწიფოების ლიდერებისა და სხვადასხვა ერების მხრიდან, რომლებიც რუსთაველზე ქართველი ხალხის გვერდით დადგნენ განსაცდელის ჟამს. ევროკავშირის თავჯდომარე ქვეყნის, საფრანგეთის მეცადინეობით კი შესაძლებელი გახდა 12 აგვისტოს ცეცხლის შეწყვეტის თაობაზე დოკუმენტზე შეთანხმების ხელმოწერა.
მიუხედავად იმისა, რომ ამ ხელშეკრულებაზე რუსეთის პრეზიდენტის, მედვედევის ხელმოწერაც არის, რუსეთი ფაქტიურად არ ასრულებს 6-პუნქტიანი ხელშეკრულების უდიდეს ნაწილს. მან არათუ გაიყვანა საკუთარი შეიარაღებული ძალები ხელშეკრულებით გათვალისწინებულ ომის წინარე პოზიციებზე, არამედ დაამატა ჯარები და დაიწყო სამხედრო ბაზების მშენებლობა ორივე ოკუპირებულ რეგიონში. უფრო მეტიც, საკმაოდ მძიმე პოლიტიკური ფასის სანაცვლოდ, კერძოდ ვეტოს უფლების გამოყენებით, რუსეთმა დაბლოკა საქართველოს ტერიტორიაზე ეუთოსა და გაეროს დამკვირვებელთა მისიების საქმიანობა, რამაც გააშიშვლა რუსეთის დამოკიდებულება და აჩვენა მისი ჭეშმარიტი როლი და ადგილი ამ კონფლიქტთან მიმართებაში.
მეტად მნიშვნელოვანია იმის ხაზგასმა, რომ 2008 წლის აგვისტოს ომის შემდგომ ჩვენ თვისობრივად ახალ რეალობაში ვიმყოფებით, როგორც კონფლიქტის მეთოდოლოგიის განსაზღვრის, ასევე საერთაშორისო თანამეგობრობის ჩართულობის თვალსაზრისით. დღეს საქართველოში მოქმედებს ევროკავშირის სადამკვირვებლო მისია, რომლის მანიპულირებაც რუსეთს არ შეუძლია და რომლის სამომავლოდ გაფართოების თაობაზე უკვე მიმდინარეობს მოლაპარაკებები. ეს მისია უკვე იქცა რუსეთის შესაძლო განმეორებითი აგრესიის წინააღმდეგ ძლიერ შემაკავებელ ფაქტორიად.
ომის შემდგომ რეალობაში ამოქმედდა კონფლიქტის მოგვარების საერთაშორისო მექანიზმი, ჟენევის მოლაპარაკებების ფორმატი, სადაც რუსეთი მხარედ არის წარმოდგენილი და აღარ გააჩნია მშვიდობიმყოფელის როლი. ასევე ამ პროცესში აქტიურად ჩაერთნენ ორივე ოკუპირებული ტერიტორიების არასეპარატისტული მოსახლეობის წარმომადგენლებიც, რომლებსაც ადრე დაინტერესებულ მხარეთაც არ განიხილავდნენ. |
|
| 05 აგვისტო 2009 |
ანონსი
6 აგვისტოს, 6:00 საათზე რეინტეგრაციის საკითხებში საქართველოს სახელმწიფო მინისტრის აპარატი გიწვევთ საქართველოს მთავრობის ანგარიშის პრეზენტაციაზე - რუსეთის ფედერაციის მიერ საქართველოს წინააღმდეგ განხორციელებულ სრულმასშტაბიან აგრესიასთან დაკავშირებით.
პრეზენტაცია გაიმართება სასტუმრო “Marriott Courtyard”-ში.
|
|
| 31 ივლისი 2009 |
რეინტეგრაციის საკითებში სახელმწიფო მინისტრის აპარატის განცხადება
31 ივლისს ინციდენტების პრევენციის მექანიზმის სამუშაო ჯგუფის საგანგებო შეხვედრა ერგნეთში, რომელიც უნდა გამართულიყო 29 ივლისს სოფ. ნიქოზში მომხდარ ინციდენტთან დაკავშირებით, ჩაიშალა რუსული მხარის შეხვედრაზე გამოუცხადებლობის გამო.
არაფორმალურ საუბარში ქართველმა სამართალდამცავებმა და ცხინვალის მარიონეტული რეჟიმის წარმომადგენლებმა განიხილეს 29 ივლისის ინციდენტი. ქართველმა სამართალდამცავებმა მოითხოვეს უახლოეს დღეებში, ერთობლივი ვიზიტის განხორციელება შემთხვევის ადგილის დასათვალიერებლად. |
|
| 13 ივლისი 2009 |
თემური იაკობაშვილი მედვედევის ცხინვალში ვიზიტს პროვოკაციულს უწოდებს
ვიცე პრემიერი, საქართველოს სახელმწიფო მინისტრი რეინტეგრაციის საკითხებში თემური იაკობაშვილი რუსეთის პრეზიდენტის დიმიტრი მედვედევის ე.წ. სამხრეთ ოსეთში ჩასვლას სიმბოლურად მიიჩნევს და მის სეპარატისტებთან ვიზიტს ანკარაში მიმდინარე "ნაბუკოს" სამიტს უკავშირებს.
"ეს ვიზიტი მათ სიმბოლურად მიუძღვნეს ანკარაში მიმდინარე "ნაბუქოს" სამიტს. ისინი სხვაგან უკვე ვერსად ჩადიან, გარდა სეპარატისტული რეგიონებისა. რუსეთისთვის ეს სიმბოლიკა სახარბიელო ნამდვილად არ უნდა იყოს და ვფიქრობ, რუსი ერი უფრო მეტს იმსახურებს", - განუცხადა "პირველს" იაკობაშვილმა. ამავდროულად, მისი აზრით, დიმიტრი მედვედევის ვიზიტი ე.წ. სამხრეთ ოსეთში "პასუხია აშშ-ის პრეზიდენტის ბარაკ ობამას მიერ რუსეთში ვიზიტისა და იქ საქართველოსთან დაკავშირებით გაკეთებულ განცხადებებზე". |
|
|
|
მნიშვნელოვანი დოკუმენტები
  
|
English
Русский