დღეს, ევროკავშირის საგარეო ურთიერთობათა და უსაფრთხოების პოლიტიკის საკითხებში უმაღლესი წარმომადგენელის / ევროკომისიის ვიცე-პრეზიდენტის ქეთრინ ეშტონის, პრესპიკერმა გააკეთა შემდეგი განცხადება:
,,უმაღლესი წარმომადგენელი მიესალმება საქართველოს მთავრობის მიერ ,,ჩართულობის სტრატეგიის სამოქმედო გეგმის” მიღებას და მოხარულია გეგმაში ასახული უამრავი კონსტრუქციული შემოთავაზებით. ეს გეგმა აფხაზეთსა და სამხრეთ ოსეთში მცხოვრები მოსახლეობის ჩართვისთვის შემუშავებული პოლიტიკის განვითარების საქმეში მნიშვნელოვნად წინ გადადგმული ნაბიჯია. ამ მოსახლეობასთან დაახლოება კი კონფლიქტის მშვიდობიანი მოგვარების წინაპირობა.
სამოქმედო გეგმამ უნდა შექმნას ხელსაყრელი გარემო, მათ შორის, კონფლიქტის რეგიონებში მოქმედი საერთაშორისო და არასამთავრობო ორგანიზაციებისათვის, რათა მათ შესძლონ თავიანთი საქმიანობის განხორციელება. ევროკავშირი, მის მიერვე შემუშავებული არაღიარებისა და ჩართულობის პოლიტიკის ფარგლებში, მზადყოფნას გამოთქვამს წვლილი შეიტანოს ამ ძალისხმევის განხორციელებაში. იგი სრულ მხარდაჭერას უცხადებს იმ მიდგომას, რომელიც ნდობის აღდგენას, ხალხთა შორის კონტაქტების ხელშეწყობასა და გადაადგილების თავისუფლებას ეფუძნება.
ევროკავშირი, კიდევ ერთხელ აფიქსირებს მხარდაჭერას საქართველოს უსაფრთხოებისა და სტაბილურობისადმი, რაც ეყრდნობა საერთაშორისო სამართლით აღიარებული დამოუკიდებლობის, სუვერენიტეტისა და ტერიტორიული მთლიანობის პრინციპების პატივისცემას“

წაიკითხეთ
 

2 ივლისს, ვიცე პრემიერ მინისტრი, რეინტეგრაციის საკითხებში საქართველოს სახელმწიფო მინისტრი თემური იაკობაშვილი შეხვდა ევროპის საბჭოს გენერალურ მდივანს ტორბიორნ იაგლანდს და ევროპის საბჭოს მინისტრთა კომიტეტის თავმჯდომარეს ანტონიო მილოშოსკის.

 შეხვედრის დროს საუბარი შეეხო ჩართულობის სახელმწიფო სტრატეგიასა და სამოქმედო გეგმას და ევროსაბჭოს როლს ამ პოლიტიკის განხორციელებაში განსაკუთრებით შემდეგი მიმართულებებით: ადამიანის უფლებების დაცვა, განათლება, კულტურული მემკვიდრეობის დაცვა, საზოგადოებათაშორისი ურთიერთობების ხელშეწყობა, ინფორმაციის დაუბრკოლებელი გავრცელება. 

 ევროსაბჭოს გენერალურმა მდივანმა ტორბიორნ იაგლანდმა გამოხატა სრული მხარდაჭერა საქართველოს ტერიტორიული მთლიანობის და სუვერენიტეტის მიმართ და გამოთქვა მზადყოფნა ევროსაბჭომ აქტიური მონაწილეობა მიიღოს  ჩართულობის სტრატეგიის სამოქმედო გეგმის განხორციელების პროცესში.

შეხვედრა გაიმართება მთავრობის კანცელარიის მე-5 სართულზე.
 

21 ივნისს, 16:30 საათზე შიდა ქართლის რეგიონის სოფელ ფხვენისში ჩატარდება პროექტის პრეზენტაცია ‘ომის შემდგომი ეკონომიკური რეაბილიტაცია: ინტეგრირებული სოციო-ეკონომიკური ზონის შექმნა შიდა ქართლის რეგიონში’.

აღნიშნული პროექტი დაფინანსებულია აშშ სახელმწიფო დეპარტამენტისა და UNHCR მიერ და განხორციელებულია საქართველოს საზოგადოებრივ საქმეთა ინსტიტუტის აგრარული განვითარების პროგრამის მიერ (GIPA/GRDP) რეინტეგრაციის საკითხებში სახელმწიფო მინისტრის აპარატის მხარდაჭერით.

პროექტის მიზანია საქართველოს ხელისუფლების მიერ შემუშავებული “სახელმწიფო სტრატეგიის ოკუპირებული ტერიტორიების მიმართ – ჩართულობა თანამშრომლობის გზით” პრიორიტეტების შესაბამისად გამყოფი ხაზით დაშორიშორებული მოსახლეობის ეკონომიკური და სოციალური ურთიერთობის აღდგენის ხელშეწობა, 2008 წლის რუსეთ-საქართველოს ომის დროს დაზარალებულ შიდა ქართლის რეგიონში ეკონომიკური რეაბილიტაციის სტიმულირება.


ღონისძიებას დაესწრება:
• ვიცე პრემიერ მინისტრი, რეინტეგრაციის საკითხებში სახელმწიფო მინისტრი - თემურ იაკობაშვილი;
• პრეზიდენტის რწმუნებული შიდა ქართლის რეგიონში ლადო ვარძელაშვილი;
• აშშ-ს ელჩი საქართველოში - ჯონ ბასი;
• UNHCR წარმომადგენელი საქართველოში - პიტერ ნიკოლაუსი

გასვლა გორის ადმინისტრაციული შენობიდან

 

დააჭირეთ აქ